Ümumdünya Turizm Təşkilatının baş katibi: “Azərbaycanın beynəlxalq turizm mərkəzi olması vacibdir”

“Azərbaycanın mehmanxanalarında, ticarət mərkəzlərində çalışanlara çinli turistlərlə işləməyi öyrətməliyik”.

"Report" xəbər verir ki, bunu Bakıda keçirilmiş Ümumdünya Turizm Təşkilatının İcraiyyə Şurasının 110-cu sessiyasının yekunları ilə bağlı mətbuat konfransında qurumun baş katibi Zurab Pololikaşvili deyib.

“Azərbaycanın gözəl hava limanları, mehmanxanaları var. Turistlərin sayı artdıqca rəqabət də artacaq. Bu baxımdan Azərbaycanın beynəlxalq turizm mərkəzi olması vacibdir. Təşkilatımızın 149 üzvü var, biz maraqlı təcrübələri Azərbaycana gətirə bilərik”, - o bildirib.