Tailandda 63 ölkədən olan turistlərə karantin tətbiq olunmayacaq

Aşağı yoluxma səviyyəsinə malik 63 ölkədən gələn və koronavirusa qarşı tam peyvənd olunmuş səyahətçilərə Tailandda karantin tətbiq olunmayacaq.

“Report” TASS agentliyinə istinadən xəbər verir ki, ölkələr üzrə siyahının noyabrın 15-də növbəti dəfə yenilənəcəyi planlaşdırılır.

Yeni qaydalara görə, səyahətçilər səfərin ilk günü verdikləri PCR testin neqativ nəticəsini gözləmək üçün ilk gecəni oteldə gecələməli olacaq, nəticəni əldə etdikdən sonra isə ölkənin istənilən nöqtəsinə səfər edə biləcəklər.