Yuxarı
    Bağlamaq

    Sədr: “Şahdağ" Turizm Mərkəzinə turist axını güclənəcək”

    Dinlə
    © Report — “Şahdağ Turizm Mərkəzi” QSC-nin İdarə Heyətinin yeni sədri Rodderix Mark Leffler

    Bakı. 26 dekabr. REPORT.AZ/ “Şahdağ" Turizm Mərkəzində öncədən yer bron edənlərin sayında nəzərəçarpacaq artım var”.

    “Report” xəbər verir ki, bunu “Şahdağ Turizm Mərkəzi” QSC-nin İdarə Heyətinin yeni sədri Rodderix Mark Leffler deyib.

    “Bizim işimizdə qar mühim rol oynayır və hava şəraiti dəyişdikdən sonra gələnlərin sayı artacaq. Qonaqların böyük hissəsi Azərbaycandandır. Bununla yanaşı, Körfəz ölkələrindən və Rusiyadan da qonaqlarımız var. Bu həftənin sonundan başlayaraq qonaqlarımızın sayının artacağını, yerli və xarici qonaqların sayında balans yaranacağını gözləyirik. Qış hələ yeni başlayıb və biz bayram ərəfəsindəyik”, - o qeyd edib.

    Bundan başqa, menecerin sözlərinə görə, Mərkəzdə yalnız süni qardan istifadə olunmur: "Hava şəraitindən asılı olaraq biz təbii qardan da istifadə edirik. Xoşbəxtlikdən bu mövsüm yerin səthi soyuqdur və süni qardan çox istifadə etmirik. Bir dəfə istifadə olunduqda qar yerdə qalır. Bu isə çox maliyyə sərf etməməyə kömək edir". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi