Novosibirsk sakinləri xarici şəhərlər arasında daha çox Bakıya uçurlar

Bakı. 15 avqust. REPORT.AZ/ Rusiyanın Novosibirsk şəhərinin sakinlərinin səyahət etdiyi ən populyar şəhərlərin siyahısı hazırlanıb.

"Report"un Rusiya KİV-lərinə istinadən verdiyi xəbərə görə, ən çox novosibirsklilər Azərbaycan paytaxtı Bakıya uçurlar.

Siyahıda daha sonra Almatı (Qazaxıstan), Xucand (Tacikistan), Oş və Bişkek (Qırğızıstan) yer alır.

Rusiya üzrə ən populyar istiqamətlər isə Moskva, Sankt-Peterburq, Krasnodar, Mineralnıye Vodı və Soçi olub.