İsveçrə turistlər üçün cəlbediciliyini itirir

Bakı. 12 aprel. REPORT.AZ/ Ümumdünya İqtisadi Forumu dünyanın turistlər üçün ən cəlbedici ölkələrinin 2017-ci il üçün reytinq cədvəlini açıqlayıb.

“Report” Rusiya mətbuatına istinadən xəbər verir ki, reytinqin hazırlandığı 2007-ci ildən 2015-ci ilə qədər siyahıda 1-ci yeri, 2016-cı ildə isə 6-cı yeri tutmuş tutan İsveçrə bu il 10-cu yerdə qərarlaşıb. 

Baxmayaraq ki, bu ölkə qanunvericiliyi, biznes mühiti, infrastrukturu, mədəni, təbii və insan resursları ilə hələ də turistlərin diqqət mərkəzindədir. Əvəzində turistlər üçün ən cəlbedici ölkə kimi İspaniyanın adı qeyd olunub.

Siyahıda ilk 5-likdə İspaniya ilə yanaşı, ardıcıl olaraq Fransa, Almaniya, Yaponiya və Böyük Britaniya qərarlaşıb. 6-cı yeri ABŞ, 7-ci yeri Avstraliya, 8-ci yeri İtaliya, 9-cu yeri isə Kanada tutub.