Elbrus dağına turlar təxirə salınıb

Avropanın ən hündür zirvəsi olan Elbrus dağına iyun ayına nəzərə tutulmuş turlar təxirə salınıb.

“Report” “TourDom.ru”ya istinadən xəbər verir ki, bunun səbəbi Rusiyanın Kabarda – Balkar Respublikasında turistlərin qəbuluna olan məhdudiyyətdir. Belə ki, əvvəlcə 1 iyun tarixinədək tətbiq edilən bu məhdudiyyət sonradan sanitariya – epidemioloji vəziyyət yaxşılaşanadək qeyri-müəyyən müddətədək uzadılıb.

Hələlik Elbrus zirvəsinə yürüşlərlə bağlı bütün turların 15 iyun tarixinədək ləğv edildiyi bildirilib.