Bakı. 5 fevral. REPORT.AZ/ 2018-ci ildə Azərbaycan vətəndaşlarına verilmiş Bolqarıstan vizalarının sayı 2017-ci illə müqayisədə 40% artıb.
“Report”un məlumatına görə, bunu bolqar mətbuatına açıqlamasında Bolqarıstanın Azərbaycandakı səfiri Nikolay Yankov bildirib.
Diplomat kəskin artımı 1 il bundan əvvəl Bakıdan Sofiyaya açılmış birbaşa aviareyslə izah edib: "Baxmayaraq ki, ötən il bu marşrut mütəmadi olaraq xidmət göstərməyib. Bu ilin yazından isə mütəmadi uçuşlar bərpa ediləcək".
Xatırldaq ki, ötən ilin yanvarın 16-da Bakıdan Sofiyaya ilk birbaşa aviareysin açılışı baş tutub. Avia reysin açılışda Azərbaycanın Baş naziri Artur Rasi-zadə və ölkədə rəsmi səfərdə olan Bolqarıstanın Baş naziri Boyko Borisov iştirak ediblər. Bakı-Sofiya aviareysin açılması barədə razılıq Prezident