Azərbaycan Yaxın Şərq ölkələri ilə turizm sahəsində əməkdaşlığı gücləndirir

Azərbaycan Yaxın Şərq ölkələri ilə turizm sahəsində əməkdaşlığı gücləndirir Azərbaycanın Yaxın Şərq regionunda turizm potensialının tanıdılması və qarşılıqlı turizm əlaqələrinin genişləndirilməsi məqsədi ilə aprelin 9-12-də Səudiyyə Ərəbistanından, aprelin 14-18-də isə BƏƏ-dən mədəniyyət və istirahət turizmi üzrə ixtisaslaşmış şirkətlərin nümayəndələri ölkəmizə səfər edəcəklər.
Turizm
9 Aprel , 2019 12:22
Azərbaycan Yaxın Şərq ölkələri ilə turizm sahəsində əməkdaşlığı gücləndirir

Azərbaycanın Yaxın Şərq regionunda turizm potensialının tanıdılması və qarşılıqlı turizm əlaqələrinin genişləndirilməsi məqsədi ilə aprelin 9-12-də Səudiyyə Ərəbistanından, aprelin 14-18-də isə BƏƏ-dən mədəniyyət və istirahət turizmi üzrə ixtisaslaşmış şirkətlərin nümayəndələri ölkəmizə səfər edəcəklər.

Dövlət Turizm Agentliyindən "Report"a verilən xəbərə görə, Azərbaycan Turizm Bürosunun təşkilatçılığı ilə baş tutacaq tanışlıq səfəri çərçivəsində Səudiyyə Ərəbistandan ümumilikdə 10, BƏƏ-dən 14 xarici şirkət iştirak edəcək. Səfərlər zamanı yerli turizm şirkətləri ilə əməkdaşlıq imkanlarının genişləndirilməsi məqsədilə tanışlıq görüşü təşkil olunacaq.

Tədbirlərdə Azərbaycanın turizm potensialı haqqında geniş təqdimatlar keçiriləcək.

Qeyd edək ki, 2018-ci ilin sonundan etibarən Səudiyyə Ərəbistanın Ər-Riyad, BƏƏ-nin Dubay şəhərlərində ölkəmizin rəsmi turizm nümayəndəlikləri fəaliyyət göstərir.

Son xəbərlər

Orphus sistemi