Yuxarı

Azərbaycan və Litva arasında turizm əlaqələri müzakirə olunub

​Azərbaycan və Litva arasında turizm əlaqələri müzakirə olunub

Bu gün Dövlət Turizm Agentliyinin sədri Fuad Nağıyev Litva Respublikasının Druskininkay şəhərinin meri Riçardas Malinauskasın rəhbərlik etdiyi nümayəndə heyəti ilə görüşüb.

Dövlət Turizm Agentliyidən "Report"a verilən məlumata görə, görüşdə iki ölkə arasında mövcud iqtisadi əlaqələr və bu əlaqələrin genişləndirilməsi perspektivləri, o cümlədən turizm sahəsində əməkdaşlığın inkişafı məsələləri müzakirə olunub.

Fuad Nağıyev turizm sahəsində qarşılıqlı təcrübə mübadiləsinin aparılmasının, eləcə də mövcud potensialın inkişaf etdirilməsinin vacib məqamlardan olduğunu diqqətə çatdırıb.

Riçardas Malinauska meri olduğu Druskininkay şəhərinin 19-cu əsrdən bu günədək Baltikyanı ölkələr üzrə məşhur turizm məkanı hesab olunduğunu qeyd edərək turizm sahəsində mümkün ikitərəfli əməkdaşlığın perspektivlərindən danışıb.

Görüşdə Azərbaycan və Litva dövlətləri arasında olan dostluq əlaqələrinin möhkəmliyi vurğulanaraq gələcəkdə də turizm sahəsində bu növ görüşlərin keçiriləcəyi diqqətə çatdırılıb.

Qeyd edək ki, 2019-cu ilin yanvar-sentyabr aylarında Azərbaycana səfər edən litvalı turistlərin sayı 1 885 nəfər təşkil edib ki, bu da ötən ilin eyni dövrünə nisbətdə 27% artım deməkdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi