Azərbaycan Macarıstanla turizm sahəsində əməkdaşlıq edəcək

Bakı. 15 mart. REPORT.AZ/ Azərbaycan Turizm Assosiasiyası (AzTa) və Macarıstan Turizm Operatorları Assosiasiyası (MUISZ) əməkdaşlıq haqqında memorandum imzalayacaq.

Bu barədə "Report"a AzTA-dan bildirilib. 

Məlumata görə, müvafiq razılıq assosiasiyanın ofisində keçirilən Azərbaycan-Macarıstan dostluq qrupunun üzvləri ilə keçirilən görüş çərçivəsində əldə olunub. Görüş zamanı turizm sahəsində ikitərəfli əməkdaşlığın inkişaf perspektivləri müzakirə olunub. Tərəflər həmçinin aprel ayında AzTA üzvləri üçün infoturun təşkil edilməsi barədə qərara gəliblər.