Yuxarı

Azərbaycan FITUR beynəlxalq turizm sərgisində təmsil olunur

Azərbaycan FITUR beynəlxalq turizm sərgisində təmsil olunur

Bu gün Dövlət Turizm Agentliyi və Azərbaycan Turizm Bürosunun təşkilatçılığı ilə Azərbaycan nümayəndə heyəti FITUR beynəlxalq turizm sərgisində iştirak edib.

“Report” bu barədə Agentliyə istinadən xəbər verir.

Məlumata görə, İspaniyanın paytaxtı Madriddə keçirilən sərgi çərçivəsində qurumun sədri Fuad NağıyevBMT-nin Ümumdünya Turizm Təşkilatının rəsmiləri, həmçinin dövlət nümayəndələri və şirkət rəhbərləri arasında görüşlər keçirilib. Bu görüşlərdə turizm sahəsinin inkişafına dair ikitərəfli müzakirələr aparılıb.

Yanvarın 26-na qədər davam edəcək sərgidə turizm şirkətlərinin nümayəndələri tərəfindən Azərbaycanın turizm imkanları barədə təqdimatlar ediəcək, B2B (Biznesdən-biznesə) formatlı görüşlər keçiriləcək. 

Xatırladaq ki, ötən il FITUR sərgisində 165 ölkədən 10 mindən çox şirkət iştirak edib və sərgi 142 mindən çox ziyarətçi qəbul edib. Bu il təşkil olunan sərgi sayca 40-cıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi