Yuxarı
    Bağlamaq

    Yeni il bayramı ilə bağlı Bakı-Tbilisi sərnişin qatarına əlavə vaqonlar qoşulacaq

    Bu il Gürcüstan paytaxtı istiqamətində qatarlara ümumilikdə 20 vaqonun qoşulması planlaşdırılır

    Bakı. 19 dekabr. REPORT.AZ/ "Azərbaycan Dəmir Yolları" QSC-nin Dünya Azərbaycanlılarının Həmrəyliyi Günü və Yeni il bayramları ərəfəsində Bakı-Tbilisi-Bakı marşrutu üzrə hərəkət edəcək qatarlara əlavə vaqonlar qoşacaq. Bu barədə "Report"a cəmiyyətin mətbuat xidmətinin rəhbəri Nadir Əzməmmədov məlumat verib.

    N.Əzməmmədov deyib ki, bu il Gürcüstan istiqamətində hərəkət edən qatarlara ümumilikdə 20 vaqonun qoşulması planlaşdırılır: “Biz ötən il olduğu kimi xüsusi turist qatarının xəttə buraxılmasını planlaşdırmırıq. Bu da nisbi tələbat azlığı ilə bağlıdır. Amma həmin istiqamətdə və əks istiqamətdə hərəkət edən qatarlara əlavə vaqonlar qoşacağıq". 

    "Əsas sərnişin sıxlığı 29-30 dekabr tarixlərində müşahidə olunacaq.  Bu səbəbdən dekabrın 29-da Bakı-Tbilisi istiqamətində hərəkət edəcək qatara əlavə vaqonlar qoşulacaq. Həmin qatar dekabrın 30-da geri qayıdacaq. Əgər sıxlıq müşahidə edilərsə, növbəti günlər də xəttə əlavə vaqonlar buraxılacaq”, - deyə şirkət rəsmisi əlavə edib.

    Qeyd edək ki, Azərbaycanda Dünya Azərbaycanlılarının Həmrəyliyi Günü və Yeni il münasibəti ilə 5 qeyri-iş günü olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi