Yuxarı

Nazir: "Azərbaycanın turizm mərkəzlərindəki otellərdə boş yer qalmayıb"

Xaricə axının qarşısını ala bilmərik

Bakı. 26 dekabr. REPORT.AZ/ "Yeni İllə bağlı Şahdağ Qış-Yay Turizm Kompleksində, Qəbələ, Lənkəran, Şəmkir və Gəncənin otellərində bütün yerlər 100% dolub. Otellərdə boş yerlər qalmayıb. İstirahətini Azərbaycandan kənarda keçirənlərlə yanaşı, öz vətənində gözəl istirahət edənlər və etmək istəyənlər də var".

"Report" xəbər verir ki, bunu Azərbaycanın mədəniyyət və turizm naziri Əbülfəs Qarayev 2014-cü ilin son kollegiya iclasında deyib.

"İnsanlar azaddır. Kim hansı ölkədə istirahətə getmək istəyirsə, ora gedir. Dediyim kimi, istirahətini Azərbaycanda keçirənlər də çoxdur. Təbii ki, xaricə axının qarşısını ala bilmərik. Bu il Azərbaycanda ölkədaxili turizm 21% artıb. Bu, yaxşı göstəricidir", - o bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi