​Meksikada turizm yarmarkası keçiriləcək

Bakı. 1 iyun. REPORT.AZ/ Meksikada sayca VI “Mega Feria imperial Acapuico” turizm yarmarkası keçiriləcək.

“Report”un Azərbaycanda İxracın və İnvestisiyaların Təşviqi Fonduna (Azpromo) istinadən verdiyi xəbərə görə, Qerrero (Guerrero) ştatının Akapulko (Acapulco) şəhərində təşkil olunacaq yarmarka bu il dekabrın 25-dən gələn il yanvarın 7-dək davam edəcək. 

Azərbaycanda fəaliyyət göstərən sahibkarlar və işgüzar dairələr sərgidə iştiraka dəvətlidirlər. Yarmarka haqqında ətraflı məlumat əldə etmək istəyənlər Azpromo-ya müraciət edə bilərlər.