Yuxarı
    Bağlamaq

    Mədəniyyət və Turizm Nazirliyi Caspian American Foruma rəsmi dəstək göstərəcək

    Forumun birinci sessiyası enerji və neft-qaz layihələrinin müzakirəsinə, həmçinin alternativ enerjinin inkişafına həsr olunacaq

    Bakı. 7 iyul. REPORT.AZ/ Azərbaycanın Mədəniyyət və Turizm Nazirliyi dekabrın 6-da Bakıda keçiriləcək Caspian American Foruma rəsmi dəstək göstərəcək.

    Caspian American Clubdan "Report"a bildirilib ki, bu barədə məlumat nazirlikdən Caspian American Club rəhbərliyinin adına ünvanlanmış rəsmi cavab məktubunda əksini tapıb.

    Caspian American Club sədrinin birinci müavini və baş icraçı direktoru Telman Əliyevin sözlərinə görə, “Caspian American Forum – 2017”də Şimali və Cənubi Amerika, həmçinin Xəzər-Qara dəniz, Aralıq dənizi və Baltik regionu ölkələrini təmsil edən şirkətlərin 300-dən çox nümayəndəsi iştirak edəcək. 

    Onun sözlərinə görə, bu forum Xəzər regionu, Şimali və Cənubi Amerika ölkələrinin şirkət və bazarlarının biznes-dialoqunun, ticari əlaqələrinin, əməkdaşlığın yeni istiqamətlərinin stimullaşması üçün informasiya meydanı rolunu oynayacaq.

    Forumun birinci sessiyası enerji və neft-qaz layihələrinin müzakirəsinə, həmçinin alternativ enerjinin inkişafına həsr olunacaq.

    Forumun ikinci sessiyasında qeyri-neft sektorunun, xüsusilə maliyyə, nəqliyyat, aqrosənaye, turizm, inşaat və İKT-nin bu gün üçün aktual olan layihələrinə toxunulacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi