Bakı. 24 yanvar. REPORT.AZ/ Hindistanın Mumbai şəhərində III Beynəlxalq “India steel” sərgi və konfransı keçiriləcək.
Azərbaycanda İxracın və İnvestisiyaların Təşviqi Fondundan (“Azpromo”) “Report”a verilən məlumata görə, tədbir bu il aprelin 20-dən 22-dək davam edəcək. Azərbaycanda fəaliyyət göstərən sahibkarlar sərgi və konfransda iştiraka dəvət olunublar.
Tədbirdə iştirak etməkdə maraqlı olan yerli iş adamları tədbir haqqında ətraflı məlumat almaq üçün “Azpromo”ya müraciət edə bilərlər.