Bakı. 20 sentyabr. REPORT.AZ/ Hindistanın Elektronika və Proqram Təminatı İxracının Təşviqi Şurası “INDIASOFT” adlı XVII beynəlxalq İT tədbiri keçirəcək.
Bu barədə "Report"a Azərbaycanda İxracın və İnvestisiyaların Təşviqi Fondundan (“Azpromo”) bildirilib.
Məlumata görə, tədbir gələn il, fevralın 13-14-də baş tutacaq.
Tədbirin iştirakçılarının Hindistanın İT mütəxəssisləri ilə yanaşı, 65 ölkədən gələn 350-dən çox xarici alıcı ilə əməkdaşlıq etmək imkanı olacaq. Azərbaycanda müvafiq sahələrdə fəaliyyət göstərən sahibkarlar da tədbirdə iştiraka dəvət olunurlar. Tədbir haqqında məlumat almaq və iştirak etmək istəyənlər “Azpromo”ya müraciət edə bilərlər.