Yuxarı

Azərbaycan və Türkiyə arasında turizm sahəsində əlaqələrin inkişafına yeni bir töhfə

Azərbaycanda və Türkiyədə turizm sahəsində fəaliyyət göstərən QHT-lər arasında əməkdaşlıq protokolu imzalanıb

BAKI. 23 yanvar. REPORT.AZ/ İstanbulun Lütfi Kırdar Beynəlxalq Konfrans və Sərgi Sarayında Azərbaycanda və Türkiyədə turizm sahəsində fəaliyyət göstərən qeyri-hökumət təşkilatları (QHT) arasında əməkdaşlıq protokolu imzalanıb.

"Report"un AzərTAca istinadən verdiyi xəbərə görə, mərasimdə hər iki ölkəni təmsil edən QHT rəhbərləri, hotel və turizm şirkətlərinin nümayəndələri, KİV əməkdaşları iştirak ediblər.

Əvvəlcə Azərbaycanın hərtərəfli inkişafını və geniş turizm imkanlarını əks etdirən sənədli film nümayiş olunub.

İmzalanma mərasimindən əvvəl Türkiyənin Səyahət Agentlikləri Birliyinin (TÜRSAB) prezidenti Başaran Ulusoy, Azərbaycan Mədəniyyət və Turizm Nazirliyinin şöbə müdiri Aydın İsmiyev və ölkəmizdə fəaliyyət göstərən Səhiyyə və Termal Turizm İctimai Birliyinin sədri Ruslan Quliyevin çıxışları olub.

Çıxış edənlər iki qardaş ölkə arasında səyahət edən turistlərin sayının sürətlə artığını bildiriblər. Qeyd olunub ki, qarşılıqlı səfərləri inkişaf etdirən cəhətlərdən biri xalqlarımızın doğmalığı, digəri isə ölkələrimizin dinamik inkişafı nəticəsində əhalinin rifahının yüksəlişidir.

Əminliklə qeyd olunub ki, imzalanan sənəd Azərbaycan ilə Türkiyə arasında turizm sahəsində əlaqələrin daha da genişlənməsinə böyük töhfə verəcəkdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi