Yuxarı
    Bağlamaq

    Azərbaycan sahibkarları Əfqanıstanda beynəlxalq sərgiyə dəvət ediliblər

    Sərgi bu il mayın 2-dən 5-dək davam edəcək

    Bakı. 21 aprel. REPORT.AZ/ Əfqanıstanın paytaxtı Kabul şəhərində “Afghan Plast Expo” I Beynəlxalq Plastmas Sənayesi sərgisi keçiriləcək.

    Bu barədə “Report”a Azərbaycanda İxracın və İnvestisiyaların Təşviqi Fondundan (“Azpromo”) məlumat verilib. 

    Bu il mayın 2-dən 5-dək davam edəcək sərgi Əfqanıstan sənayesini dünyaya tanıtmaq, ölkədə, xüsusilə də plastmas sənayesində mövcud olan potensial investisiya imkanlarını təqdim etmək məqsədini daşıyır. Sərgi plastmas sənayesində fəaliyyət göstərən bütün yerli və beynəlxalq firmalar, şirkətlər, fabriklər, treyderlər və sənayeçilərə məhsullarını nümayış etdirmək, potensial alıcı və müştəriləri cəlb etmək üçün layiqli platforma olacaq.

    Azərbaycanda sözügedən sahədə fəaliyyət göstərən işgüzar dairələr tədbirdə iştiraka dəvətlidirlər.

    “Afghan Plast Expo”da iştirak etməkdə maraqlı olan sahibkarlar Azpromo”ya (əlaqələndirici şəxs: Mahmud Əliyev, e-poçt: maliyev@azpromo.az, tel: (+99412) 598-0147; 598-0148 (125)) müraciət edə bilərlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi