​Azərbaycan "EXPO BATUMI 2015" VIII Beynəlxalq turizm sərgisində təmsil olunacaq

Bakı. 11 may. REPORT.AZ/ Bu il mayın 20-dən 22-dək Batumidə "EXPO BATUMI 2015" VIII Beynəlxalq turizm sərgisi keçiriləcək.

"Report" Gürcüstan mətbuatına istinadən xəbər verir ki, sərgidə Gürcüstan, Türkiyə, Azərbaycan, Rusiya, Ukrayna, İsrail, Ermənistan, Litva, Polşa, Belarus, Almaniya və digər ölkələrdən turizm və restoran şirkətlərinin nümayəndələri iştirak edəcəklər.

"EXPO BATUMI 2015" çərçivəsində müxtəlif reklam və informasiya turları, iştirakçılar üçün təqdimatlar və KİV nümayəndələri ilə görüşlərin keçirilməsi də nəzərdə tutulub.