Yuxarı
    Bağlamaq

    Azərbaycan Astanadakı "EXPO-2017" sərgisində iştirakını təsdiq edib

    Azərbaycan öz iştirakını təsdiq edən ilk ölkələrdən biri olub

    Astana. 5 dekabr. REPORT.AZ/ "Azərbaycan Astanada keçiriləcək "EXPO-2017" beynəlxalq sərgisində öz iştirakını təsdiq edən ilk ölkələrdən biri olub". Bu barədə "Report"a xarici işlər nazirinin birinci müavini, "EXPO-2017" sərgisi üzrə komissar Rapil Joşıbayev bildirib. O qeyd edib ki, oktyabr ayında Azərbaycana səfər edib, burada Prezident Administrasiyası rəhbərinin müavini Novruz Məmmədov və mədəniyyət və turizm naziri Əbülfəs Qarayevlə görüşüb. 

    "Görüş zamanı  sərgidə iştirak etmək üçün rəsmi razılıq əldə etdik. Bundan başqa, biz enerji və elm sahələrində və  Azərbaycanın turistləri cəlb etməkdə böyük təcrübəsini nəzərə alaraq, turizm sahəsində əməkdaşlıq məsələlərini müzakirə etdik", - R.Joşıbayev bildirib. 

    Xarici işlər nazirinin birinci müavini vurğulayıb ki, "EXPO-2017" sərgisi "Gələcəyin enerjisi" şüarı altında keçiriləcək. Onun sözlərinə görə, Sərgi dünya ictimaiyyətini narahat edən ən aktual məsələ - alternativ enerji mənbələri mövzusunu əks etdirəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi