Yuxarı

AZAL Bakı-London aviareyslərinin sayını artırır

Oktyabrın 30-dan etibarən uçuşlar hər gün həyata keçiriləcək

Bakı. 11 oktyabr. REPORT.AZ/ "Azərbaycan Hava Yolları" (AZAL) QSC qış cədvəlinin qüvvəyə minməsi ilə əlaqədar Bakıdan Londona müntəzəm reyslərin sayını artırır.

AZAL-ın mətbuat xidmətindən "Report"a verilən xəbərə görə, hazırda aviaşirkət Heydər Əliyev Beynəlxalq Hava Limanından Britaniya paytaxtının əsas hava limanı - Hitrou aeroportuna həftədə 5 reys yerinə yetirir. Oktyabrın 30-dan başlayaraq uçuşlar hər gün həyata keçiriləcək.

Şənbə günləri Heydər Əliyev Beynəlxalq Hava Limanından uçuş Bakı vaxtı ilə saat 18:25-də, Hitrou Beynəlxalq Hava Limanına çatma isə yerli vaxtla saat 20:25-də olacaq. Londondan uçuş yerli vaxtla saat 21:50-də, Bakıya gəlmə isə Bakı vaxtı ilə saat 07:20-də olacaq. Qalan bütün günlər üzrə Bakıdan uçuş 19:05-də, Londona gəlmə 21:05-də, Londondan uçuş 22:05-də, Bakıya gəlmə isə 07:35-də olacaq.

Qeyd edək ki, Londona aviareyslər üç sinifli - "Econom", "Comfort-club" və "VIP-club" salonlarla təchiz edilmiş "Boeing-787 Dreamliner" təyyarəsində həyata keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi