Yuxarı
    Bağlamaq

    Azərbaycanda hotellərdəki yerlərin sayı 35 minə çatıb

    Bu il mehmanxanalarda yerləşdirilmiş şəxslərin 60%-ni əcnəbilər təşkil edib

    Bakı. 17 oktyabr. REPORT.AZ/ Bu ilin yanvar-iyun aylarında Azərbaycanda 527 mehmanxana olub, onlarda nömrələrin ümumi sayı 16 876 vahid, birdəfəlik tutum 34 731 çarpayı-yer təşkil edib.

    "Report"un Dövlət Statistika Komitəsinə istinadən verdiyi xəbərə görə, birdəfəlik tutumun 11 807-si Bakı, 927-si Gəncə şəhərlərindəki mehmanxanalarda, 6 563-ü Xaçmaz, 1 195-i Masallı, 1 184-ü Quba, 13 055-i isə ölkənin digər rayon və şəhərlərindəki mehmanxanaların payına düşür.

    Bu dövrdə mehmanxanalarda yerləşdirilmiş şəxslərin sayı 2013-cü ilin eyni dövrü ilə müqayisədə 0,5% artaraq 319,0 min nəfər olub ki, onların da 58,8%-ni xarici ölkə vətəndaşları təşkil edib.

    Mehmanxanalarda gecələyən əcnəbilərin sayı ötən ilin müvafiq dövrü ilə müqayisədə 1,5 min nəfər artaraq 187,7 min nəfərə çatıb. Gecələyən Azərbaycan vətəndaşlarının sayı isə 131,3 min nəfər olub. Qonaqların 49,8 min nəfəri (15,6%-i) turizm yollayışları ilə gələnlər olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi