Yuxarı

Türkiyənin tanınmış musiqiçisi vəfat edib

Asım Can Gündüz gitara virtuozu hesab olunurdu

Bakı. 25 iyun. REPORT.AZ/ Türkiyənin tanınmış musiqiçisi, gitara virtuozu sayılan Asım Can Gündüz vəfat edib.

"Report" Türkiyə KİV-inə istinadən xəbər verir ki, 61 yaşlı ifaçı ürək tutmasından dünyasını dəyişib.

İkinci dəfə infarkt keçirən musiqiçi xəstəxanaya çatdırılsa da, onun həyatını xilas etmək mümkün olmayıb.

Qeyd edək ki, 1955-ci ildə İstanbulda anadan olan Asım Can Gündüz uzun illər ABŞ-da yaşayıb. 1980-ci ildə vətəninə qayıdan ifaçı 1992-ci ildə çıxartdığı musiqi albomu ilə şöhrət qazanıb.

Yaradıcılığında rok musiqisinə üstünlük verən Asım Can Gündüz son illər xaricdə verdiyi solo konsertləri ilə məşhur olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi