Türkiyənin tanınmış aktyoru vəfat edib

Bakı. 26 fevral. REPORT.AZ/ Türkiyənin tanınmış aktyoru Aytaç Arman 70 yaşında vəfat edib. 

"Report" "Hurriyet"ə istinadən xəbər verir ki, sənətçi müalicə aldığı İstanbul Onkologiya Xəstəxanasında xərçəng xəstəliyindən dünyasını dəyişib. 

Qeyd edək ki, A.Arman aktyorluq sənətinə 1971-ci ildə gəlib. O, həmyerlisi Yılmaz Güneyin "Baba" filmində rol almaqla diqqət mərkəzinə düşüb. Bundan sonra yüzlərlə filmə və seriala çəkilib, həmçinin bir çox mükafatlara layiq görülüb.