Yuxarı

"Sony Music" Maykl Ceksonun albomunun saxtalığı ilə bağlı məsələni şərh edib

"Sony Music" Maykl Ceksonun albomunun saxtalığı ilə bağlı məsələni şərh edib

Bakı. 25 avqust. REPORT.AZ/ "Sony Music" şirkəti pop kralı Maykl Ceksonun ölümündən bir il sonra buraxılan albomdakı bəzi bəstələrin başqa ifaçı tərəfindən səsləndirildiyini etiraf etməyib.

“Report” TASS-a istinadən xəbər verir ki, bu barədə cümə günü "Variety" jurnalı yazıb.

"Heç kim etiraf etməyib ki, Maykl Cekson bu mahnıları ifa etməyib", - deyə şirkətin maraqlarını müdafiə edən hüquqşünas Zia Modabber bildirib.

O əlavə edib ki, çərşənbə axşamı baş tutan dinləmələrdə mahnılarda kimin səsinin qeydə alınması ilə bağlı heç bir qərar çıxarılmayıb.

"Business Insider" internet nəşrinin məlumatına görə, dinləmələr Ceksonun pərəstişkarının 2014-cü ildə qaldırdığı iddia ilə bağlı olub. O iddia edib ki, müğənninin ölümündən sonra buraxılan albomda bir neçə mahnı onun təqlidçisi Ceyson Malaçi tərəfindən ifa olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi