Yuxarı

Prinsin albomlarının satışı onun ölümündən sonra 42 000% artıb

Üç gün ərzində məşhur müğənninin dünya üzrə 579 min albomu satılıb

Bakı. 25 aprel. REPORT.AZ/ Amerikalı məşhur müğənni Prinsin ölümündən sonrakı üç gün ərzində satılan albomlarının sayı faciəvi hadisədən əvvəlki üç günlə müqayisədə 42 000% çox olub.

"Report" xəbər verir ki, bu barədə "Nielsen Music" şirkətinə istinadən "USA Today" qəzeti məlumat verib.

"Nielsen Music" şirkətinin nümayəndəsi Fren Körtisin verdiyi məlumata görə, ölümündən sonrakı üç gün ərzində məşhur müğənninin dünya üzrə 579 min albomu satılıbsa, onun dünyasını dəyişdiyi andan əvvəlki üç gün ərzində cəmi 1 400 nüsxə albomu satılmışdı.

Şirkətin məlumatlarına əsasən, mərhum musiqiçinin fanatları daha çox Prinsin hitlər kolleksiyası və onun iştirakı ilə çəkilən "Purple Rain" filminin saundtreki ilə maraqlanıb.

Qeyd edək ki, məşhur amerikalı müğənni, gitaraçı, bəstəkar və mahnıların sözlərinin müəllifi olan Prins aprelin 21-də 57 yaşında vəfat edib. O, dəfələrlə "Qremmi", "Oskar" və "Qızıl qlobus" mükafatlarının qalibi olub. 2005-ci ildə isə mərhum müğənninin adı "Rok-n-Roll"un Şərəf zalına daxil edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi