Yuxarı

"Pole çudes" verilişinin növbəti buraxılışı Azərbaycana həsr olunub - VİDEO

"Pole çudes" verilişinin növbəti buraxılışı Azərbaycana həsr olunub - VİDEO
Çoxmilyonluq auditoriya Azərbaycan musiqi, rəqs və çay ənənələri ilə tanış olub

Bakı. 16 dekabr. REPORT.AZ/ Cümə günü Rusiyanın Birinci kanalında yayımlanan "Pole çudes" verilişinin növbəti buraxılışı Beynəlxalq çay gününə və Azərbaycana həsr olunub.

“Report” xəbər verir ki, yayım ərzində verilişin çoxmilyonluq auditoriyası Azərbaycanın rəqs, musiqi və çay ənənələri ilə tanış olub, studiyanın özü isə Azərbaycanın milli ornamentləri ilə bəzədilib.

Həmçinin verilişdə Azərbaycandan olan iştirakçılar, eləcə də şou-men Murad Dadaşov iştirak edib.

Tok-şounun efirində tarzən Şəhriyar İmanov çıxış edib, eyni zamanda Əməkdar artist Həsənağa Sadıqov nəlbəkidə ifası ilə qonaqları təəccübləndirib. Verilişdə, eyni zamanda, yerli müğənnilərdən Valeriya, Taisiya Povali və Valeri Sutkin də çıxış edib.

Verilişin qalibi keçmiş ŞHK-çı Murad Dadaşov olub. O, aparıcı Leonid Yakuboviçə "Qarabağ" futbol klubunun üzərində futbolçuların imzası olan formasını, müxtəlif Azərbaycan meyvələrindən hazırlanmış mürəbbələr və bir banka neft hədiyyə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi