​Məşhur türk müğənnisi Kayahan xəstəxanaya yerləşdirilib

Bakı. 25 mart. REPORT.AZ/ Türkiyənin yumşaq toxumaların xərçəng şişindən əziyyət çəkən məşhur bəstəkar və müğənnisi Kayahan "Acıbadəm Məslək" xəstəxanasının Reanimasiya şöbəsinə yerləşdirilib.

"Report" "Anadolu"ya istinadən xəbər verir ki, daxil olan məlumata görə, müğənninin müalicəsi 1-2 gün ərzində burada davam etdiriləcək.

Kayahan uzun sürən aradan sonra fevralın 14-də Beşiktaş bələdiyyəsi tərəfindən təşkil olunan konsert proqramında həyat yoldaşı İpək Acar və müğənni Nilufərlə birgə səhnəyə çıxıb.