​Məşhur Hollivud ulduzu 2014-cü ilin "ən pis aktrisası" hesab edilib

Bakı. 22 fevral. REPORT.AZ/ Amerikalı aktyorlar Kemeron Diaz və Kirk Kemeron "Qızıl moruq" mükafatının versiyasına görə, 2014-cü ilin ən pis aktrisa və aktyorları hesab ediliblər.

"Report" "The Hollywood Reporter"ə istinadən xəbər verir ki, "İlin ən pis filmi" nominasiyasında rejissor Darren Doanın "Miladın xilas edilməsi" (Saving Christmas) filmi "qalib gəlib".

"Ən pis rejissor" nominasiyası Maykl Beyə verilib. Münsiflər onun "Transformerlər 4: məhvetmə zamanı" filmini belə qiymətləndiriblər.