Kristina Agilera Bakıda konsert verəcək

Bakı. 16 mart. REPORT.AZ/ "Formula-1" üzrə Azərbaycan Qran-prisində konsert proqramı ilə çıxış edəcək üçüncü əcnəbi müğənninin adı müəyyənləşib.

"Report" Bakı Şəhər Halqasına istinadən xəbər verir ki, bu, amerikalı müğənni Kristina Agileradır. O, aprelin 28-də səhnə alacaq. 

Qeyd edək ki, aprelin 27-də Böyük Britaniyanın tanınmış qrupu "Jamiroquai", aprelin 29-da isə Kosovo əsilli britaniyalı müğənni Dua Lipa "Baku Crystall Hall"da səhnə alacaq.