Yuxarı

İtaliya brendi ayaqqabı kolleksiyasını Zaha Hadidə həsr edib

Əsas diqqət ayaqqabıların qeyri-adi formasına ayrılıb

Bakı. 7 aprel. REPORT.AZ/ İtaliyanın premium brendi "Premiata" ayaqqabı kapsul kolleksiyası ərsəyə gətirib və onu memar Zaha Hadidə həsr edib. "Report" xəbər verir ki, yeni kolleksiyanın işlənib hazırlanması zamanı memarın əsas fəaliyyət istiqaməti olan dekonstruktivizm ideyalarından istifadə olunub. Əsas diqqət isə ayaqqabıların qeyri-adi formasına ayrılıb.

Qeyd edək ki, Zaha Hadid İraq əsilli britaniyalı dizaynerdir. O, memarlıq sahəsində ən nüfuzlu mükafat olan Pritsker mükafatını alan (2004-cü ildə) ilk qadın kimi tarixə düşüb.

O, Romadakı XXI əsr Milli İncəsənət Muzeyi, Londondakı "Serpentine Sackler Gallery" və Olimpiada-2012 üçün tikilmiş Su İdman Növləri Mərkəzi, Quançjoudakı Opera Evi, Sinsinnatidəki Rozental Müasir İncəsənət Mərkəzi, Bakıdakı Heydər Əliyev Mərkəzinin layihələrinin müəllifi, dizayneridir.

Z.Hadid 31 mart 2016-cı ildə Mayamidə xəstəxanalardan birində bronxit xəstəliyindən müalicə alan zamanı ürək tutmasından vəfat edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi