Yuxarı
    Bağlamaq

    İsraildə "Möhtəşəm Yüzil" serialı tamaşaçı üsyanına səbəb olub

    Tamaşaçıların narazılığına səbəb filmin nümayişinin dayandırılmasıdır

    Bakı. 30 dekabr. REPORT.AZ/ İsrailin "Kanal 9" telekanalında nümayiş etdirilən "Möhtəşəm Yüzil" serialının nümayişi dayandırılıb. "Report" Türkiyə mətbuatına istinadən xəbər verir ki, telekanalın tamaşaçıları etiraz əlaməti olaraq televiziyanın telefonlarını gün ərzində məşğul ediblər. Tamaşaçıların suallarından yorulan televiziya əməkdaşları çarəsiz qalıblar.

    Serialın dayandırılmasına filmin dublyajı səbəb olub. Bir ildir İsrail tamaşaçılarına rus dilində təqdim edilən serial ivrit dilində alt yazıyla efirə verilirmiş. Televiziya rəhbərliyi serialın dayandırılmasını texniki problemlərlə əsaslandırıb.

    "Kanal 9" TV-nin rəhbərliyi bildirib ki, "Möhtəşəm Yüzil" İsrailə köçmüş həm rusdilli, həm də ivrit dilində danışan əhali arasında özünə geniş tamaşaçı kütləsi toplayıb. Serialın belə reytinq qazandığını görən televiziya rəhbərliyi "Möhtəşəm Yüzil"i İsrail tamaşaçılarına yenidən təqdim edəcək. Serialın yayımı 2015-ci ilin fevralından bərpa olunacaq.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi