Gürcüstanın tanınmış rep ifaçısı ölüb

Tbilisi. 5 fevral. REPORT.AZ/ Gürcüstanın “Şavi prinsi” (“Qara şahzadə”) təxəllüslü tanınmış rep ifaçısı Akaki Babunaşvili ölüb.

“Report”un Gürcüstan bürosu xəbər verir ki, 48 yaşlı ifaçının Batumidə böyrək xəstəliyindən dünyasını dəyişdiyi bildirilir.

A.Babunaşvili musiqi karyerasına 90-cı illərin əvvəllərində Kutaisi şəhərində başlayıb. O, 1995-ci ildə Gürcüstanda tez bir zamanda böyük populyarlıq qazanmış “Dzebnilebi” (“Axtarılanlar”) adlı qrup yaradıb.