Yuxarı

Fanat Hindistan kino ulduzu ilə görüşdən sonra yaranmış izdihamda ölüb

Fanat Hindistan kino ulduzu ilə görüşdən sonra yaranmış izdihamda ölüb
Şahrux Xan Zəngin filminin təqdimat turu çərçivəsində Qucarat ştatına səfər edib

Bakı. 24 yanvar. REPORT.AZ/ "Bollivud kralı" adlandırılan Hindistan kinosunun ulduzu Şahrux Xan ilə görüş zamanı yaranmış izdihamda bir adam ölüb.

Bu barədə "Report" "Lenta.ru" portalına istinadən xəbər verir.

Aktyor baş rolda oynadığı "Zəngin" filminin təqdimat turu çərçivəsində Qucarat ştatında Vadodara şəhərinə səfər edib. Fanatlarla görüşdə vağzalda keçirilib. Şahrux Xan qatarla gəlib və vaqondan düşmədən, qapıda avtoqraf paylamaqla kifayətlənib.

Aktyorun olduğu qatar hərəkət edəndən sonra fanat kütləsi çıxışa tərəf istiqamətlənib. Nəticədə basırıq yaranıb və Fərid Xan Pathan adlı şəxs nəfəs çatışmazlığından boğularaq ölüb.

Aktyor mərhumun ailəsinə başsağlığı verib.

Qeyd edək ki, 51 yaşlı Şahrux Xan Bollivudun ən məşhur aktyorlarından biri hesab olunur. O, 70-dən çox filmə çəkilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi