Yuxarı
    Bağlamaq

    "Eurovision-2015" müsabiqəsində Azərbaycanın milli münsiflər heyətinin tərkibi məlum olub

    Münsiflər heyətinin tərkibinə məşhur incəsənət xadimləri daxil olub

    Bakı. 1 may. REPORT.AZ/ "Eurovision-2015" mahnı müsabiqəsində Azərbaycanın milli münsiflər heyətinin tərkibi məlum olub.

    "Report" müsabiqənin rəsmi saytına istinadən xəbər verir ki, münsiflər heyətinin tərkibində hər bir ölkədən 6 məşhur incəsənət xadimi iştirak edir. 

    Azərbaycan münsiflər heyətinin tərkibinə bu il Zümrüd Dadaşzadə (sədr), Azər Zeynalov, Samirə Allahverdi, Tünzalə Ağayeva, Faiq Ağayev və Fidan Hacıyeva daxil olub.

    Qeyd edək ki, bu il "Eurovision-2015" mahnı müsabiqəsi mayın 17, 19 və 21-də Vyanada "Stadthalle" zalında keçiriləcək. Azərbaycanı müsabiqədə Elnur Hüseynov "Hour of Wolf" mahnısı ilə təmsil edəcək. 

    Müsabiqədə milli səsvermənin nəticələri münsiflər heyəti və tamaşaçıların səsvermə ballarının toplanması ilə formalaşır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi