Yuxarı

"Emmi" mükafatının təqdimatı zamanı qarət baş verib

Aktrisa həmkarları ilə birlikdə mükafatı almaq üçün səhnəyə qalxan zaman onun pul qabı oğurlanıb

Bakı. 19 sentyabr. REPORT.AZ/ Böyük Britaniyanın məşhur "Şerlok" teleserialının ulduzu olan aktrisa Amanda Abbinqtonu qarət ediblər.

"Report" xarici KİV-ə istinadən xəbər verir ki, bu hadisə "Emmi" mükafatının təqdimatı zamanı baş verib.

Aktrisanın sözlərinə görə, serialdakı həmkarları ilə birlikdə mükafatı almaq üçün səhnəyə çıxan zaman kimsə onun stulun altına qoyduğu pul qabını oğurlayıb. Amanda Abbinqton qarət nəticəsində mobil telefonu və sürücülük vəsiqəsindən məhrum olduğunu bildirib.

Xatırladaq ki, sentyabrın 18-də "Emmi" mükafatının 68-ci mövsümünün qaliblərinin adları elan edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi