Yuxarı

Brilliant Dadaşova və Əlixan Səmədov Türkiyədə konsert proqramı ilə çıxış edəcək

Cəmal Rəşid Rey konsert salonunda keçiriləcək konsert martın 20-də baş tutacaq

Bakı. 11 mart. REPORT.AZ/ Novruz bayramı münasibətilə Türkiyədə silsilə bayram konsertləri keçiriləcək. Türkiyənin ən böyük konsert mərkəzlərindən biri olan Cəmal Rəşid Rey konsert salonunda Novruz bayramı münasibətilə Azərbaycanın iki tanınmış sənətkarının konsert proqramı olacaq.

"Report" Türkiyə KİV-inə istinadən xəbər verir ki, martın 20-də Azərbaycanın xalq artisti Brilliant Dadaşova və uzun illərdir Türkiyədə Azərbaycan musiqisini şərəflə təmsil edən, balaban ustadı Əlixan Səmədovun solo-konsert proqramı keçiriləcək.

Konsert proqramında Brilliant Dadaşova və Əlixan Səmədovun yeni mahnıları səslənəcək. Proqramda xalq mahnıları və muğam parçaları da ifa ediləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi