"Billboard" nəşrinin "İlin qadını" mükafatının sahibi məlum olub

Bakı. 7 noyabr. REPORT.AZ/ Hər il "Billboard" nəşri tərəfindən verilən "İlin qadını" mükafatının laureatı amerikalı müğənni və aktrisa Ariana Qrande olub.

“Report” xəbər verir ki, bu barədə nəşrin saytı məlumat yayıb.

Bildirilir ki, mükafatın təqdimetmə mərasimi dekabrın 6-sı Nyu-Yorkda keçiriləcək 13-cü təntənəli "Musiqidə qadınlar" adlı nahar və konsertdə baş tutacaq.

"O cəsarətlidir, o, karyerasının ən yaxşı musiqilərini ərsəyə gətirir və o, "İlin qadını" adına tamamilə layiqdir", - deyə jurnalın vitse-prezidenti Ross Skarano bildirib.

Ötən il bu nüfuzlu mükafat 25 yaşlı müğənni Selena Qomesə verilmişdi.

"Billboard" jurnalı bundan əvvəl 2017-ci ilin ən yaxşı 100 mahnısının adını açıqlayıb.