Yuxarı
    Bağlamaq

    ​Azərbaycan "Avroviziya-2016" mahnı müsabiqəsində iştirak edəcək

    Türkiyə və Portuqaliya yarışda iştirakdan imtina edib

    Bakı. 28 noyabr. REPORT.AZ/ 43 ölkənin nümayəndəsi İsveçdə keçiriləcək "Avroviziya-2016" mahnı müsabiqəsinin iştirakçısı olacaq.

    "Report" xəbər verir ki, bu barədə beynəlxalq mahnı müsabiqəsinin rəsmi saytında məlumat yerləşdirilib.

    Ölkələr sırasında Azərbaycanın da adı var. Yarışmada aşağıdakı ölkələrin təmsilçiləri iştirak edəcəklər:

    Albaniya, Avstraliya, Avstriya, Azərbaycan, Belarus, Belçika, Bosniya və Herseqovina, Bolqarıstan, Xorvatiya, Kipr, Çexiya, Danimarka, Estoniya, Finlandiya, Fransa, Makedoniya, Gürcüstan, Almaniya, Yunanıstan, Macarıstan, İrlandiya, İslandiya, İsrail, İtaliya, Latviya, Litva, Malta, Moldova, Montoneqro, Niderland, Norveç, Polşa, Rumıniya, Rusiya, San-Marino, Serbiya, Sloveniya, İspaniya, İsveçrə, İsveç, Ukrayna, Böyük Britaniya və Ermənistan.

    Siyahıya baxdıqda bir illik fasilədən sonra Ukraynanın müsabiqəyə qayıtdığını görmək olar. Sonuncu dəfə 2012-ci ildə yarışda iştirak edən Bosniya və Herseqovina da gələn il müsabiqəyə iştirakçı göndərəcək. Mahnı müsabiqəsində ötən il debüt edən Avstraliya da, təmsil olunacaq.

    Əvəzində isə Türkiyə və Portuqaliya mahnı forumunda iştirakdan imtina edib.

    İsveç Vyanada Mons Zelmerlyevin qələbə qazanmasından sonra müsabiqəni keçirmək hüququna yiyələnib. İfaçı "Heroes" bəstəsi ilə (365 xal) qalib olub.

    Həmçinin bildirilir ki, artıq yarışın biletləri bir neçə gündür satışa çıxarılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi