Bakı. 3 fevral. REPORT.AZ/ Türkiyənin məşhur müğənnisi, rejissor və ssenarist Mahsun Kırmızıgül Azərbaycana gələcək.
Bu barədə "Report"a "28 Sinema" Kinoteatrından məlumat verilib.
Belə ki, fevralın 4-də kinoteatrda Mahsun Kırmızıgülün ekranlaşdırdığı "Möcüzə" filminin nümayişi olacaq. M.Kırmızıgül Bakıya filmin növbəti nümayişində iştirak etmək üçün gəlir.
Fevralın 13-də isə kinoteatrda "Krımlı" filminin qala gecəsi keçiriləcək. Həmin filmin qalası üçün Bakıya Murad Yıldırım və filmin prodüseri təşrif buyuracaq.