Rikki Martin anası erməni olan rəssam Cvan Yosef ilə ailə həyatı qurub

Bakı. 11 yanvar. REPORT.AZ/ Məşhur puerto-rikalı müğənni Rikki Martin atası kürd, anası isə erməni olan isveçli rəssam Cvan Yosef ilə ailə həyatı qurub.

“Report” xəbər verir ki, müğənni və rəssam nikah sözləşməsi əldə edib, lakin təntənəli toy mərasimi hələ baş tutmayıb.

"Mən bəy oldum, biz böyük gecəni yaxın aylarda təşkil edəcəyik, mən sizə xəbər edəcəyəm", - deyə Rikki Martin bildirib.

Rikki Martin və Cvan Yosef 2 il əvvəl görüşməyə başlayıblar. Ötən il televiziya şoularından birində onlar nişanlandıqlarını etiraf ediblər.