​Məşhur müğənninin konsertində silahlı insident baş verib

Bakı. 13 yanvar. REPORT.AZ/ Amerikalı müğənni və aktyor Kris Braunun Kaliforniyada təşkil olunan konserti silahlı insidentlə başa çatıb.

"Report" "RİA Novosti"yə istinadən xəbər verir ki, insident nəticəsində beş nəfər yaralanıb.

Hadisə bazar günü San-Xose şəhərindəki "Fiesta" gecə klubunda baş verib. Polisin məlumatına görə, Braun məşhur hitlərindən birini ifa edən zaman naməlum şəxs atəş açıb, ardınca təşviş və basırıq yaranıb.

Yaralılar xəstəxanaya yerləşdirilib, hazırda onların həyatı üçün heç bir təhlükə yoxdur. Braun zərər çəkməyib.

Faktla bağlı bir neçə nəfər saxlanılıb.