JARA-nın III günü: Dilarə Kazımovanın dəbdəbəli geyimi, Anita Soyun "Brilyant" barmağı - FOTOREPORTAJ

Səhnədə 90-cı illərin hitləri, qırmızı xalı üzərində Bakı ləhcəsində mahnılar: Bakıda möhtəşəm JARA beynəlxalq festivalının üçüncü günü bu və digər maraqlı hadisələrlə yadda qalıb.

“Report” xəbər verir ki, festivalın üçüncü günü qırmızı xalı üzərindən Stas Pyexa, Nataşa Korolyova, İntars Busulis, Aleksandr Buynov, MBAND, Aleksandr İvanov və digər məşhurlar keçib.

Tamaşaçı və jurnalistlərin xüsusi diqqətini öz dəbdəbəli və açıq-saçıq geyimi "Eurovision" mahnı yarışmasının iştirakçısı Dilarə Kazımova və xalı üzərinə "brilyant" barmaq ilə çıxan Anita Soy çəkib. Artist festivalın ikinci günündə ayaq barmağını zədələyib.

Festivalın üçüncü günü 90-cı illərin unudulmaz hitlərinə həsr olunub. Səhnədə "Ruki Vverx!", Nataşa Korolyova, Seryoqa, "NA-NA", "Hi-Fi" və digərlərinin ən məşhur bəstələri səsləndirilib.

Foto: Elçin Ağayev