Yuxarı
    Bağlamaq

    Təmas xəttinə yaxın rayonların uşaqları üçün yay düşərgəsinə start verilib

    Düşərgə avqustun 3-nə kimi davam edəcək

    Bakı. 21 iyul. REPORT.AZ/ Azərbaycan-Ermənistan sərhəd bölgələrindən, xüsusilə təmas xəttinə yaxın rayonlardan olan uşaqlar üçün növbəti yay düşərgəsinə start verilib. Bu barədə "Report"a Ailə, Qadın və Uşaq Problemləri üzrə Dövlət Komitəsindən məlumat verilib.

    Komitədən bildirilib ki, Gənclər və İdman Nazirliyi ilə birlikdə Ağdam, Tərtər, Füzuli, Daşkəsən rayonlarından olan uşaqlar üçün Bakı şəhəri, Şüvəlan qəsəbəsində yerləşən Respublika Uşaq İstirahət və Sağlamlıq mərkəzində növbəti yay düşərgəsinə start veriblər. Yay düşərgəsi avqustun 3-nə kimi davam edəcək. Düşərgə yuxarıda qeyd olunan rayonların Ermənistanla həmsərhəd kəndlərindən olan 10-16 yaşlı uşaqlar üçün nəzərdə tutulub.

    Qeyd edək ki, yay düşərgəsi zamanı uşaqların fiziki və əqli inkişafı məqsədilə fərdi proqramlar həyata keçirilməsi və təlimlərin təşkili, həmçinin qrup işləri, fərdi liderlik qabiliyyətlərinin və biliklərin artırılması və digər sahələrdə uşaqların imkanlarının artırılması nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi