Yuxarı

Azərbaycanda sosial sığorta haqları ödəyən insanların fərdi hesablarda olan kapitalları 2 dəfə artırılacaq

Bəzi şəxslərin pensiya alması üçün staj məhdudiyyəti ləğv edilə bilər

Bakı. 30 sentyabr. REPORT.AZ/ “Azərbaycanda hazırda sosial sığorta haqları ödəyən insanların fərdi hesablarda olan kapitalları 2 dəfə artırılacaq”. “Report” xəbər verir ki, bunu jurnalistlərə açıqlamasında Dövlət Sosial Müdafiə Fondunun (DSMF) sədri Elman Mehdiyev deyib.

“Həmçinin tədbirlər çərçivəsində hazırkı dövrə qədər ödənilmiş pensiya kapitallarının da 2 dəfə artırılması nəzərdə tutulur. Təyin olunan pensiyaların məbləğinin sığorta kapitalına bağlılığı prinsipi bizə daha yüksək pensiya məbləği təyin etməyə imkan verəcək. Həmçinin, bir sıra stimullaşdırıcı tədbirlər də nəzərdə tuturuq. Yuxarı sosial sığorta haqqı ödəyib bəlli kapitala malik insanların staj tələbindən azad olunması məsələsinə isə baxacağıq”, - DSMF sədri bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi