Ramil Usubov Şəkidə vətəndaşları qəbul edəcək

Bakı. 8 avqust. REPORT.AZ/ Azərbaycan Respublikasının daxili işlər naziri, general-polkovnik Ramil Usubov avqust ayının 27-də saat 10:00-da Şəki, Balakən, Qax, Oğuz, Zaqatala və Qəbələ şəhər və rayonlarının sakinlərini Şəki Şəhər Rayon Polis Şöbəsində qəbul edəcək.

Bu barədə “Report”a DİN-in mətbuat xidmətindən məlumat verilib.

Vətəndaşlar daxili işlər orqanlarının əməkdaşlarının fəaliyyətinə və Daxili İşlər Nazirliyinin səlahiyyətlərinə aid məsələlərlə bağlı müraciət etməklə qəbula yazıla bilərlər.

Qəbula gələnlər şəxsiyyət vəsiqəsini təqdim etməlidirlər.