Yuxarı

Qoşqar Təhməzli: "Sabahdan qida məhsulları idxal edən bir sıra şirkətlərə asanlaşdırılmış nəzarət sistemi tətbiq olunacaq"

Qoşqar Təhməzli: "Sabahdan qida məhsulları idxal edən bir sıra şirkətlərə asanlaşdırılmış nəzarət sistemi tətbiq olunacaq"
© Report/ Elchin Murad

Bakı. 31 oktyabr. REPORT.AZ/ “Son 4 ay ərzində Azərbaycana qida məhsulları idxal edən şirkətlər üzərində dövlət nəzarəti həyata keçirilərkən 56 şirkətin ölkəyə idxal etdiyi məhsulların təhlükəsiz olduğu məlum olub”.

“Report” xəbər verir ki, bunu jurnalistlərə açıqlamasında Azərbaycan Qida Təhlükəsizliyi Agentliyinin sədri Qoşqar Təhməzli deyib.

Q.Təhməzli qeyd edib ki, 4 ay ərzində həmin məhsulların bütün partiyalarının laborator ekspertizasının nəticələri şirkətlərin etibarlı olduğunu deməyə əsas verir.

Agentlik sədri əlavə edib ki, sabahdan - noyabrın 1-dən qida məhsulları idxal edən bir sıra şirkətlərə asanlaşdırılmış nəzarət sistemi tətbiq olunacaq: “Yəni daha aşağı riskli məhsulların laborator müayinəsi, ekspertizası və nəzarətə cəlb olunma tezlikləri daha uzun müddətli, daha yüksək riskli məhsullarınkı isə daha sıx tezliklə həyata keçiriləcək. Bu da imkan verəcək ki, sahibkarlar daha asanlıqla ölkəyə müxtəlif dünya dövlətlərindən qida məhsulları idxal edə bilsinlər”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi