Yuxarı

Prezidentə müraciət edən Ağsu sakininin nəvəsi sabah İstanbulda əməliyyat olunacaq

Prezidentə müraciət edən Ağsu sakininin nəvəsi sabah İstanbulda əməliy

Prezident İlham Əliyevin göstərişi ilə gözlərindən əməliyyat olunmaq üçün Türkiyəyə göndərilən Ağsu şəhər sakini, 1990-cı il təvəllüdlü Zaman Muradov sabah - martın 19-da əməliyyat olunacaq.

Bu barədə “Report”a Zaman Muradov özü məlumat verib.

O bildirib ki, İstanbul şəhərində yerləşən "Liv Hospital"da müayinə olunub və onun göz təzyiqi xəstəliyini daşıdığı məlum olub: “Müayinələrdən sonra həkimlər ağır əməliyyat olacağını dedilər. Həmçinin zərurət yaranarsa, ikinci əməliyyatın da baş tutacağı gözlənilir. Buna görə də məndən əməliyyat olmağıma razı olub-olmadığı soruşdular. Təbii ki, razılaşdım. Sabah əməliyyat otağına daxil olacağam. Ümid edirəm ki, hər şey yaxşı olacaq və sağlamlığıma qovuşacağam. Dövlət başçısına sonsuz təşəkkürümü bildirirəm”.

Xatırladaq ki, Prezident İlham Əliyev Ağsuya səfəri zamanı şəhərin Firdovsi küçəsində Həcər Zamanovanın ailəsi üçün inşa edilən yeni üçotaqlı evdə görülən işlərlə tanış olub. Həmin vaxt H.Zamanova nəvəsi Zaman Muradovun gözlərinin əməliyyata ehtiyacı olduğunu bildirib. Dövlət başçısı isə bununla bağlı Heydər Əliyev Fonduna göstəriş verəcəyini demişdi: "Siz narahat olmayın. Lazım olarsa, biz onu xaricə də göndərərik".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi