Ötən il Azərbaycanda 41 030 nəfərə müvəqqəti, 3 220 nəfərə daimi yaşama icazəsi verilib

Bakı. 11 yanvar. REPORT.AZ/ "Ötən il Azərbaycanda 41 030 nəfərə müvəqqəti, 3 220 nəfərə daimi yaşama, 6 162 nəfərə iş icazəsi verilib. Hesabat dövründə Dövlət Miqrasiya Xidməti tərəfindən miqrasiya qanunvericiliyinin tələblərinin pozulması ilə bağlı 19 210 qərar qəbul edilib".

"Report" xəbər verir ki, bunu Dövlət Miqrasiya Xidmətinin 2018-ci ilin yekunlarına həsr olunmuş mətbuat konfransında Xidmət rəisi Vüsal Hüseynov deyib.

O bildirib ki, xidmətə vətəndaşlıq mənsubiyyətinin müəyyən edilməsi ilə bağlı 27 509 müraciət daxil olub.